瑜伽。喜悅

分享下我的喜悅，有點長，希望大家有時間望一望~~嘻嘻~~~

最開心係，昨天，我相信我合格了，自己無經驗，希望在她身上學習~~所以，時不時都會請我師傅同我一起開WORKSHOP，邊教邊學。MISS BOBO第一次上我一小時的課，她的結論是：很好，很流暢。。。呢一年，我都吾會同人講我係老師，我只係分享我的學習經驗及我愛的瑜伽。。。有呢兩句話，我相信今天，我可以告訴人，WINDIE係一個全職瑜伽老師。。。雖然MISS BOBO放任我自由，但對我們的要求比任何人都高，嚴師出高徒~~~!!!!

5月，對我來說是特別的...。。。我喜歡的季節，充滿陽光和活力的~~^^。2013年5月7日，在 WORKSHOP BY BOBO SIN 投入了OL以外的另一片天空，天長得沒盡頭，這小女子開始飛得遼闊 ^^。

2010年10月，我開始接觸瑜伽~~(或者拉筋)~~
2012年10月，我認識MISS BOBO~~ (我練體式)
2013年10月，我考咗個瑜伽老師牌~~ (想追求另一片天地)
2013年10月，我開始了兼職教瑜伽~~(學而優則教...^.^)
2014年05月，我成了全職瑜伽老師一年~~

天時，地利，人和，命運的要排，我很幸運的... 亦很感恩一路走來都有無盡的好人好事，好師傅，好學生在背後支持著。。。。

由細到大，我都知道現實好殘酷，特別係商業世界，做了接近10年的文職，不斷向上爬，讀呀讀，考呀考，這10年都不斷增值自己，幾乎用盡打工的收入黎讀書進修。所謂的不斷進修，加上，工作上安份守己... 又如何？！換來的是，如果上司唔鐘意你，就要入雪櫃，然後自覺沒趣地SAY BYE BYE~~。所以呢10分的文職，除咗看盡商場的面具，及考咗好多張乜乜乜乜乜沙紙，我一啲滿足感都無..............。。。當沒有滿足感時，無論做得幾好，等可以話係~~一無所有！

捨得，捨得，沒有捨何來得，放棄了我的工作，由零開始，再追求自己的另一片天地...... 沒有天份，可以後天努力，只要肯，別人能做到的事，假以時日自己一定做到。。。在我放棄之前，掙扎再所難免，但當諗到，我爬呀爬，上呀上，無非是為咗過更好的生活，但過更好的生活就是，番工，放工，OT，無日無之埋頭REPORT，這叫生活嗎？！又會時常擔心，唔知幾時，上司唔鐘意，一句BYE BYE，是但搵個大學生，或者MASTER，DOCTOR，人工少過你一半，都可以頂上你個位。咁到時，啲努力便塵歸塵，土還土，哈哈哈~~~。。。

放棄不是軟弱，而是有更大的勇氣接受自己及新的挑戰~~。做了10年文職，相信我唔會再由頭爬過，人生有幾個10年？！EVEN我願意爬，仲有能力同啲後生鬥耐力爬嗎~~！？所以我選擇再走另一條路，而唔係繼續漫無目的地爬~~~~~~~~~~!!!! 另一條路是，我要飛，雖然拿不出一對翅膀，但可以為自己插上一對翅膀。

在我剛開始踏上這一片新開地，師傅 MISS Bobo Sin 對我說：你要用心用誠意待人，用心教，學生是會感受到的。。。。這句話，我銘記於心。。。還有另一句話是：當你踏上教室，個場就係你架，無論邊個黎上堂，都只係你學生，特首都係咁話！~~~~~~~~~~~~~~ 還有一句就是，師傅話，你無2年教學經驗，都唔好同人講你教瑜伽！。。。師傅每句話我都放在心上！亦都在實踐。。。好幸運，跟我一起走來的學生，都和我一樣，對生活有著期盼，他們知我新，我剛出黎教，但都一直跟住我。。。在這裏，我由心感謝你們，我最愛的學生們~~~。。。

坦白講，剛開始教，遇到有經驗的學生，我會怯，會震添，我相信這是大部份新人都會有的表現。感謝所有學生對我的包容，支持及鼓勵，沒有你們，當然不會有今天的我！。。最最最最最，感恩的是我遇上師傅MISS BOBO這一年來，無論我教乜，課程安排乜，佢都無過問，任由我。有時佢唔得閒，叫我代佢啲課，我都覺得無以前咁大壓力...... 因為實會有比較，佢係我老師，我係佢學生，高下立見~~~。但如今，無了這壓力，而每次代佢堂，FEEDBACK都還可以~~~(開心)。。。

最開心係，昨天，我相信我合格了，自己無經驗，希望在她身上學習~~所以，時不時都會請我師傅同我一起開WORKSHOP，邊教邊學。MISS BOBO第一次上我一小時的課，她的結論是：很好，很流暢。。。呢一年，我都吾會同人講我係老師，我只係分享我的學習經驗及我愛的瑜伽。。。有呢兩句話，我相信今天，我可以告訴人，WINDIE係一個全職瑜伽老師。。。雖然MISS BOBO放任我自由，但對我們的要求比任何人都高，嚴師出高徒~~~!!!!

做為我的老師，我上課遇上什麼問題，我會問佢，因為佢有超過10年的教學經驗。在我練習的路程，以前被稱為 "魷魚" (所謂的得個軟)，老師根據我身體需要，把我所長發揮，所以我而家係蝗虫，哈哈哈...。。。

但願來緊的日子，把我所愛，所學，繼續用我的最愛來分享~~~~。。。自我要求，是進步的動力，你們的支持，是不斷前得的方向。。謝謝各位，繼續支持我吧。。。WINDIE繼續~~~舞王直腳，蝗虫走路，蠍子掂頭，孔雀開屏。。。thanks for reading ^^!!!